पूर्व विशिष्टलाई होइन, मिर्गौला र क्यान्सर पीडितलाई सहयोग बढाऔं : सांसद शर्मा

---

नयाँ पेज

२०८१ चैत ३ आइतबार १८:१४ बजे

काठमाडौं । प्रमुख प्रतिपक्षी नेकपा (माओवादी केन्द्र) का उपमहासचिव समेत रहेका सांसद जनार्दन शर्माले पूर्व विशिष्ट पदाधिकारीको सेवा बढाउनु भन्दा मिर्गौला र क्यान्सर पीडितलाई सहयोग गर्नेतिर अघि बढ्नु पर्ने बताएका छन् । आज (आइतबार) प्रतिनिधिसभा बैठकको शून्य समयमा उनले गरिबी निवारणमा लगानी गर्ने कानुन बनाउन सुझाए ।

‘पूर्व विशिष्टलाई, पदाधिकारीलाई थप आजीवन सुविधा दिने बढाउनुभन्दा गरिबी निवारणमा लगानी गर्ने कानुन बनाऊँ’, उनले भने, ‘मिर्गौला र क्यान्सरपीडितलाई सहयोग गर्नेतिर अघि बढौँ ।’ उनले आन्दोलनरत शिक्षकका माग सम्बोधन गर्न र भएका सम्झौता कार्यान्वयन गर्न आग्रह गरेका छन् ।