महिलातर्फ भारतले जित्यो खो–खो विश्वकपको  उपाधि, नेपाल उपविजेता

---

नयाँ पेज

२०८१ माघ ६ आइतबार २२:३८ बजे

काठमाडौँ । खो–खो विश्वकप फाइनलमा नेपाली महिला टोली आयोजक भारतसँग पराजित भएको छ। नयाँदिल्लीस्थित इन्दिरा गान्धी इन्डोर स्टेडियममा आज भएको उपाधि प्रतिस्पर्धामा नेपाली महिला टोली ७८–४० ले पराजित भयो । नेपाली महिला टोली अपराजित रहँदै उपाधि नजिकै पुगेको थियो ।

नेपाली महिलो टोलीले सेमिफाइनलमा युगान्डालाई र क्वार्टर फाइनलमा इरानलाई हराएको थियो । यस्तै नेपाली महिला टोलीले समूह चरणको पहिलो खेलमा भुटान, दोस्रो खेलमा जर्मनी, तेस्रो खेलमा श्रीलङ्का र चौथो खेलमा बङ्गलादेशलाई हराएको थियो । खो–खो विश्वकप फाइनलको पुरुषतर्फ अहिले बेलुकी ८ बजे भारतसँग खेल्दैछ ।