.gif)
 (1).png){kind=logo}
.png)
खो खो विश्वकप : पुरुषतर्फ पनि नेपाल उपविजेता, भारत बन्यो च्याम्पियन
काठमाडौं । नेपालको पुरुष टिम पनि खो खो विश्वकपमा उपविजेता बनेको छ । आज (आइतबार) भारतको इन्दिरा गान्धी इन्डोर कोर्टमा भएको खेलमा नेपाल भारतसँग ५४–३६ ले पराजित भएको हो । यसअघि नेपाल समूह चरणमा पनि भारतसँग पराजित भएको थियो । फाइनलमा पनि नेपाल भारतसँग तुलात्मक रुपमा निकै कमजोर रह्यो । भारतीय खेलाडी नेपालविरुद्ध हाबी भएका थिए ।
भारतका दुवै टोली पहिलो संस्करणमा नै च्याम्पियन बनेको छ । आज नै भएको महिलातर्फको फाइनलमा पनि नेपाल उपविजेतामै सिमित बनेको थियो । सोही इन्डोर मैदानमा नेपाल ७८–४० अन्तरले पराजित भयो ।
यसअघि अपराजित हुँदै फाइनल यात्रा तय गरेको नेपालको महिला फाइनलमा भने घरेलु टोलीसँग पराजित भयो । नेपालले सेमिफाइलनमा युगान्डालाई हराएको थियो । पहिलो पटक आयोजना भएको खो खो विश्वकपमा दक्षिण एसियाका दुई राष्ट्र भारत र नेपालले अन्य राष्ट्रलाई पछि पार्दै फाइनल यात्रा तय गरेका थिए ।
