.gif)
 (1).png){kind=logo}
.png)
रुकुमपश्चिममा बस दुर्घटना : नौं जना घाइते
रुकुमपश्चिम । रुकुमपश्चिमको आठबिसकोट नगरपालिका–११ रिठा भन्ने स्थानमा बस दुर्घटना हुँदा नौं जना घाइते भएका छन् । काठमाडौंबाट रुकुमपश्चिमको राडी जाँदै गरेको प्रदेश ३–००५ ख ९९६६ नम्बरको बस आज दिउँसो करिब पौने २ बजेतिर दुर्घटना हुँदा बस चालकसहित नौं जना घाइते भएका हुन् ।
घाइते हुनेमा बस चालक धादिङका ३१ वर्षीय खड्कबहादुर तामाङ, सोही ठाउँका २८ वर्षीय भिमबहादुर भुलन, रुकुमपश्चिमको आठबिसकोट नगरपालिका ९ का ३१ वर्षीय प्रकाश गौतम, वडा नम्बर ११ का १७ वर्षीय गणेश रसाइली र दोलखाको भिमेश्वर नगरपालिका ७ बस्ने २६ वर्षीय प्रकाश मगराठी छन् ।
अरु घाइतेहरुमा जाजरकोटको नलगाड नगरपालिका–८ की ४५ वर्षीया भिमकुमारी चदारा, उनका १० वर्षीय छोरा मानबहादुर चदारा, जाजरकोट नलगाड नगरपालिका १२ का २५ वर्षीया सङ कुमारी विक र मोरङका २८ वर्षीय आका काफ्ले छन् । घाइतेहरुको हात, खुट्टा र टाउकोमा चोट लागेको छ ।
