प्रकाश भुजेलको गाडीले ठक्कर दिएको मोटरसाइकल चालकको मृत्यु, श्रीमती गम्भीर

---

नयाँ पेज

२०८१ कार्तिक २८ बुधबार १८:१७ बजे

काठमाडौं । झाँक्री प्रकाश भुजेलको गाडीले ठक्कर दिँदा गम्भीर घाइते कागेश्वरी मनोहरा–२ आलापोट बस्ने ३८ वर्षीय नारायण नगरकोटीको मृत्यु भएको छ । उनको ग्राण्डी अस्पतालमा उपचारका क्रममा मृत्यु भएको हो । नगकोटी कागेश्वरी मनोहरा–२ आलापोट नेकपा माओवादी केन्द्रका सचिव हुन् । दुर्घटनामा उनलाई टाउको, पेट र घुँडामा गम्भीर चोट लागेको थियो ।

दुर्घटनामा नगरकोटीकी पत्नी ३२ वर्षीया सानुमाया नगरकोटी गम्भीर घाइते छिन् । उनी मोटरसाइकलको पछाडि सवार थिइन् । उनको अवस्था गम्भीर रहेको र भेन्टिलेटरमा उपचार भइरहेको जनाइएको छ । उनीहरुलाई अचेत अवस्थामा अस्पताल पुर्‍याइएको थियो । भुजेलले प्रहरीसमक्ष आत्मसमर्पण गरेका छन् । हाल उनी प्रहरी वृत्त बौद्धको नियन्त्रणमा रहेको र आवश्यक अनुसन्धान भइरहेको प्रहरीले जानकारी दिएको छ ।