ट्रम्पले दिए श्रीमतीलाई दिए ‘फर्स्ट लेडी’ को उपाधि

---

नयाँ पेज

१६:०४ बजे

काठमाडौं । अमेरिकी राष्ट्रपति पदमा रिपब्लिकन पार्टीका उम्मेदवार डोनाल्ड ट्रम्पले आफूले जितेको घोषणा गरेका छन् । बुधवार फ्लोरिडामा समर्थकले भरिएको एक हलमा सभाको आयोजना गरेर उनले आफू ४७ औं राष्ट्रपतिमा निर्वाचित भएको घोषणा गरे । 

‘४७ औं र ४५ औं राष्ट्रपति निर्वाचित गरेर दिएको असाधारण सम्मानका लागि अमेरिकी जनतालाई धन्यवाद दिन चाहन्छु,’ ट्रम्पले भने ।  आफ्नी पत्नी मेलानिया ट्रम्पसहित विजयी सम्बोधन गर्न मञ्चमा उभिएका ट्रम्पले पत्नी मेलानियालाई ‘फर्स्ट लेडी’ भनेर बधाई समेत दिए । 

यस्तै ट्रम्पले आफ्नो जित अमेरिकी जनताका लागि शानदार जित रहेको बताउँदै देशको उन्नतीमा ‘स्वर्ण युग’ बनाउने घोषणा गरे । ट्रम्पले जितको खुशीयाली मनाउन थालेपनि मतगणना अझै पनि जारी छ । ट्रम्पले जितिसकेको आंकडा भने आइसकेको छैन । २६७ इलेक्टोरल कलेज भोट जितेका ट्रम्प जितबाट केवल ३ भोट पछाडि छन् । प्रतिस्पर्धी कमला ह्यारिस भने २२४ इलेक्टोरल भोटसहित पछ्याइरहेकी छन् ।