.gif)
 (1).png){kind=logo}
.png)
सेभेन समिटबाट फर्केका निर्मल पुर्जालाई विमानस्थलमा भव्य स्वागत
काठमाडौं । सातै महादेशका अग्ला हिमाल (सेभेन समिट) को चुचुरो पुगेर कीर्तिमान बनाएका आरोही निर्मल पुर्जा ‘निम्स दाइ’ लाई त्रिभुवन अन्तर्राष्ट्रिय विमानस्थलमा भव्य स्वागत गरिएको छ । इण्डोनेसियाको कार्सटेन्ज पिरामिड आरोहण गरेर आरोही पुर्जा शुक्रबार नेपाल फर्किएका हुन् ।
उनले कार्सटेन्ज पिरामिड आरोहण गरेर नयाँ कीर्तिमान राखेका छन् । कार्सटेन्ज पिरामिड विश्वको सात शिखर सम्मेलनहरू मध्ये एक हो र यो इन्डोनेसियामा पपुवा प्रान्तमा अवस्थित छ । कार्सटेन्ज पिरामिड चुचुरोमा उभिएर, निर्मल पुर्जाले आफ्नो सेभेन समिट च्यालेन्ज पूरा गरेका छन् ।
दुई वर्ष चार महिना र २८ दिनमा विश्वका १४ अग्ला चुचराहरु अक्सिजन बिना आरोहण गरी विश्व कीर्तिमान भर्खरै सन् २०२४ को अक्टोबर २ तारिखमा कायम गरेका थिए । त्यसपछि सेभेन समिटको आरोहण गर्ने तृष्णाका साथ अघि बढेका आरोही निर्मल पुर्जा कार्सटेन्ज पिरामिड आरोहण गरेर सेभेन समिटको सातै समिटहरू उक्लेर नेपाल फर्किएका हुन् ।
निर्मल पुर्जा विश्वको एक मात्र यस्ता पर्वतारोही हुन् जसले केवल ५ वर्ष ५ महिना र १२ दिनमा विश्वका सर्वाधिक अग्ला १४ चुचुराहरू अक्सिजनसहित र अक्सिजन बिना गरी आरोहण गरेर विश्व कीर्तिमान राखेका छन् । सन् २०१९ को अप्रिल २३ बाट सुरु भएको उनको यो अठोट सन् २०२४ अक्टोबर ४ मा आएर पुरा भएको हो ।
