.gif)
.png)
खोलाले बगाएका दिदी–बहिनी बचाउन गएका गजेन्द्र आफै बचेनन्
जनकपुरधाम । सर्लाहीको बलरा नगरपालिका–१ स्थित मनुसमारामा खोलाले बगाएको एक बालिकाको उद्दार गर्न गएका एक वृद्धको डुबेर ज्यान गएको छ ।
मृत्यु हुनेमा स्थानीय ६० वर्षीय गजेन्द्र साह रहेका जिल्ला प्रहरी कार्यालय सर्लाहीका प्रवक्ता डीएसपी दीपक श्रेष्ठले जानकारी दिए । उनका अनुसार बुधबार स्थानीय अजय गिरीका १२ वर्षीया छोरी निशाकुमारी र १५ वर्षकी पिंकीकुमारीलाई खोलाले बगाएको थियो । घाँस काट्न जाने क्रममा उनीहरुलाई खोलाले बगाएको थियो ।
त्यस क्रममा उद्दार गर्नका लागि स्थानीय गजेन्द्र साह खोलामा पसेका थिए । तर उनको मृत्यु भएको प्रहरीले जनाएको छ । दिदी बहिनीमध्ये १५ वर्षकी पिंकीकुमारी पौडी खेलेर बाहिर निस्केको र निशाकुमारी बेपत्ता रहेको डीएसपी श्रेष्ठले जानकारी दिए । गजेन्द्रको शव पोस्टमार्टमका लागि जिल्ला अस्पताल मलंगवा पठाइएको छ भने बेपत्ता निशाकुमारीको खोजी भइरहेको प्रहरीले जनाएको छ ।
