नेसनल माइक्रोफाइनान्सको संस्थापक शेयर लिलामी बिक्री खुला

---

नयाँ पेज

२०७९ भदौ ३० बिहीबार २१:१८ बजे

काठमाडौं । नेसनल माइक्रोफाइनान्स लघुवित्त वित्तीय संस्थाले आज बिहीबार (भदौ ३० गते) देखि १७ हजार ९४३ कित्ता संस्थापक शेयर लिलामीमा बिक्री खुला गरेको छ ।

यसमा कम्पनीले प्रतिकित्ता शेयरको न्यूनतम भाउ ७५० रुपैयाँ तोकेको छ । तसर्थ, लगानीकर्ताले ७५० रुपैयाँलाई आधार मानेर सो भन्दा बढी मूल्य कबोल गरी लिलामी बोलपत्र पेश गर्नुपर्नेछ ।

यसमा लघुवित्तका विद्यमान संस्थापक शेयरधनी वा जो कोही व्यक्ति, कम्पनी,संघ र संस्थाहरुले आवेदन दिन सक्ने छन् । न्यूनतम १०० कित्तादेखि अधिकतम सम्पूणर् कित्ताका लागि आवेदन दिन सकिने छ ।

बोलपत्र पेस गर्ने अन्तिम म्याद असोज ५ गतेसम्म तोकिएको छ । लगानीकर्ताले संस्थाको बिक्री प्रबन्धक एनआइबीएल एस क्यापिटल, काठमाडौंमा पुग्ने गरी गोप्य शिलबन्दी बोलपत्र बुझाउन सक्ने छन् । लघुवित्तका विद्यमान संस्थापक शेयर धनीलाई प्राथमिकता दिई यसअघि आवेदन खुला गरिएको थियो । तर सो अवधिमा आवेदन नपरेको हुनाले लिलामीमा ल्याइएको हो ।