.gif)
 (1).png){kind=logo}
.png)
‘लभ परिराख्या बेला अदालतले जबरजस्ती डिभोर्स दिँदा घर फर्कन पर्यो’
२०७७ चैत २९ आइतबार १९:०३ बजे
काठमाडौं, २९ चैत । नेकपा माओवादी केन्द्रका अध्यक्ष पुष्पकमल दाहालले माधवकुमार नेपालसँग गहिरो ‘लभ’ परिरहेका बेला सर्वोच्च अदालतले ‘डिभोर्स’ गरिदिएको गुनासो गरेका छन् ।
दाहालले शनिबार आयोजित एक कार्यक्रममा नेपाल र आफूबीचको सम्बन्धलाई अदालतले छुटाइदिएपछि आआफ्नो घर फर्कनुपरेको गुनासो गरेका हुन् । ‘अदालतले पति पत्नीलाई डिभोर्स गरेझै हामीलाई पनि आ–आफ्नो घरमा फर्काइदियो । त्यसैले मैले सेटिङ भयो भनेको हुँ’, दाहालले भने, ‘हाम्रो त लभ परिराख्या थियो ।’
माघ २८ को सभामा म कसरी बोलेको थिएँ, माधवजी कसरी बोल्नुभयो, झलनाथजी कसरी बोल्नुभयो । लभ नपरेको भए त्यसरी बोलिन्न्थ्यो । लभ परेकालाई अदालतले जबरजस्ती डिभोर्स गरिदिन पाइन्छ ? यसरी डिभोर्स गरिदिनु त प्राकृतिक रुपले पनि अन्याय भयो । नागरिक दैनिकबाट
