.gif)
 (1).png){kind=logo}
.png)
इजरायली आक्रमणमा यमनी हुथी सरकारका प्रधानमन्त्रीसहित मारिए
.jpg)
काठमाडौं । इजरायली सेनाको हवाई आक्रमणमा यमनका हुथी विद्रोही समूहका प्रधानमन्त्रीसहित केही अन्य अधिकारीको ज्यान गएको इरान समर्थित समूहले पुष्टि गरेको छ ।
गएको वर्ष नियुक्त भएका अहमद घलेब नासेर अल–राहावी गाजामा जारी युद्धका क्रममा इजरायलको शृङ्खलाबद्ध आक्रमणमा मारिएका सबैभन्दा वरिष्ठ अधिकारी हुन् ।
प्रधानमन्त्री नासेर अल राहावीको शहादतको घोषणा गर्दै उनको मन्त्रीमण्डलका कैयौं सहकर्मीले शहादत प्राप्त गरेका हुथीले जारी गरेको विज्ञप्तिमा भनिएको अन्तर्राष्ट्रिय समाचार संस्था एएफपीले जनाएको छ ।
इजरायली सेनाले हुथीको नियन्त्रणमा रहेको राजधानी साना क्षेत्रमा बिहीवार आक्रमण गरेको थियो । प्यालेस्टाइनप्रति ऐक्यवद्धता जनाउँदै हुथी विद्रोहीले गाजा युद्ध शुरूभएदेखि नै इजरायलमाथि बारम्बार क्षेप्यास्त्र र ड्रोन प्रहार गर्दै आएका छन् ।
इजरायलले सन् २०१४ देखि युद्धको चपेटामा परेको यमनको ठूलो भागलाई नियन्त्रण गरेको छ । यो मध्यपूर्वका अधिकांश भागमा रहेका लडाकू समूहहरूसँगै इरानको इजरायल विरोधी गठबन्धनको हिस्सा हो ।
