एनपीएल इलिमिनेटरमा आज काठमाडौं र चितवन भिड्दै


२०८३ मङ्सिर २ बुधबार ०८:२२ बजे
फाइल फोटो

काठमाडौं : नेपाल प्रिमियर लिग (एनपीएल) क्रिकेटको दोस्रो क्वालिफायरमा स्थान बनाउन आज काठमाडौं गोर्खाज र चितवन राइनोज इलिमिनेटरमा भिड्दैछन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने खेल दिउँसो साढे ४ बजे सुरु हुनेछ । जित निकाल्ने टोलीले फाइनल प्रवेशका लागि दोस्रो क्वालिफायर खेल्नेछ भने पराजित हुने टोली प्रतियोगिताबाट बाहिरिनेछ ।

इलिमिनेटरको विजेताले पहिलो क्वालिफायरमा साविक विजेता लुम्बिनी लायन्ससँग पराजित भएको सुदूरपश्चिम रोयल्ससँग बिहीबार दोस्रो क्वालिफायर खेल्नेछ । दोस्रो क्वालिफायर जित्ने टोलीले शनिबार उपाधिका लागि लुम्बिनी लायन्ससँग प्रतिस्पर्धा गर्नेछ ।

काठमाडौं गोर्खाज सात खेलमा चार जित र तीन हारसहित अंकतालिकाको तेस्रो स्थानमा रहँदै प्लेअफमा पुगेको हो । चितवन राइनोज भने सात खेलमा तीन जित, तीन हार र एक खेल वर्षाका कारण रद्द भएपछि अंक बाँड्दै चौथो स्थानमा रहेर प्लेअफमा प्रवेश गरेको हो ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७