कृष्णभिरमा फेरि पहिरो, एकतर्फी यातायात सञ्चालन

---

नयाँ पेज

२०८३ असोज ८ बिहीबार ०७:५१ बजे

काठमाडौं : पृथ्वी राजमार्गअन्तर्गत धादिङको कृष्णभिर नजिकै लेदोसहितको पहिरो खसेपछि सडक एकतर्फी सञ्चालनमा आएको छ।

शुक्रबार बिहान करिब साढे ५ बजे लेदोसहितको पहिरो खसेपछि राजमार्गको दुवैतर्फको आवागमन प्रभावित भएको हो। पहिरोका कारण हाल एकतर्फी रूपमा सवारी सञ्चालन भइरहेको धादिङ प्रहरीले जनाएको छ।

लगातार पानी परिरहेकाले पहिरोसँगै सडकमा थुप्रिएको लेदो पन्छाउन समस्या भएको प्रहरीले जनाएको छ। वर्षा नरोकिए थप लेदो तथा पहिरो खस्न सक्ने जोखिमसमेत रहेको छ।

यसअघि भदौ १० र १४ गते भोटेकोशी तथा त्रिशूली नदीमा आएको ठूलो बाढीले कृष्णभिर क्षेत्रमा सडक कटान गरेपछि पृथ्वी राजमार्ग १८ दिनसम्म अवरुद्ध भएको थियो।

बाढीपछि क्षतिग्रस्त सडक सञ्चालनमा आए पनि वर्षासँगै पुनः पहिरो खसेपछि सो क्षेत्रमा यातायात सञ्चालनमा चुनौती थपिएको छ।