.gif)
 (1).png){kind=logo}
.png)
पत्रकार किशोर श्रेष्ठको बन्दी प्रत्यक्षीकरण रिट न्यायाधीश बालकृष्ण ढकालको इजलासमा
२०८३ श्रावण २९ शुक्रबार १०:२० बजे
काठमाडौं : जनआस्था साप्ताहिकका सम्पादक किशोर श्रेष्ठको बन्दी प्रत्यक्षीकरण रिटमा सर्वोच्च अदालतका न्यायाधीश बालकृष्ण ढकालको एकल इजलासमा पेसी तोकिएको छ।
पत्रकार श्रेष्ठलाई गैरकानुनी रूपमा थुनामा राखिएको दाबी गर्दै उनकी पत्नी सरस्वती श्रेष्ठले बिहीबार सर्वोच्च अदालतमा बन्दी प्रत्यक्षीकरणको रिट दायर गरेकी थिइन्।
श्रेष्ठलाई पक्राउ गरेको विषयमा अदालतमा रिट दायर भएकै दिन काठमाडौं जिल्ला अदालतले उनलाई तीन दिन हिरासतमा राख्न प्रहरीलाई अनुमति दिएको छ।
प्रहरीले श्रेष्ठलाई बुधबार राति ललितपुरस्थित निवासबाट पक्राउ गरेको थियो। उनलाई वैयक्तिक गोपनीयता हननसम्बन्धी कसुरमा पक्राउ गरिएको प्रहरीले जनाएको छ।
