काठमाडौँ र ललितपुरका झण्डै १०० स्थानमा १० बजेदेखि दिउँसो २ बजेसम्म विजुली जाने

शनिबार बिहान १० बजेदेखि दिउँसो २ बजेसम्म विद्युत् आपूर्ति अवरुद्ध हुने

---

नयाँ पेज

२०८३ जेठ २२ शुक्रबार ११:२८ बजे

काठमाडौँ :  यही जेठ २३ गते शनिबार काठमाडौँ र ललितपुरका झण्डै एक सय स्थानमा चार घण्टासम्म विद्युत् आपूर्ति अवरुद्ध हुने भएको छ । नेपाल विद्युत् प्राधिकरण, आयोजना व्यवस्थापन निर्देशनालय अन्तर्गतको ‘१३२ के.भी. प्रसारण कण्डक्टर अपग्रेडिङ्ग आयोजना मातातीर्थ’ ले १३२ के.भी. स्युचाटार सबस्टेशनमा रहेको बसलाई सटडाउनमा राखी मर्मतसम्भार तथा स्तरोन्नति गर्न लागेकाले विद्युत् आपूर्ति बन्द गर्न लागिएको हो ।

आयोजनाले जारी गरेको सूचनाअनुसार स्युचाटार र टेकु सबस्टेशन अन्तर्गतका कुलेश्वर, कीर्तिपुर, रत्नपार्क र पुल्चोक केन्द्रबाट वितरण हुँदै आएका ९८ स्थानमा शनिबार बिहान १० बजेदेखि दिउँसो २ बजेसम्म विद्युत् आपूर्ति प्रभावित हुनेछ ।

यो सटडाउन अवधिमा उपत्यकाभित्रका अन्य सबस्टेशनबाट आपूर्ति हुने वितरण प्रणालीमा समेत आंशिक प्रभाव पर्न सक्ने प्राधिकरणले जनाएको छ । मौसम प्रतिकूल भएमा भने पूर्वनिर्धारित समय हेरफेर हुन सक्नेछ । प्राधिकरणले निर्धारित समयमै काम सम्पन्न गर्ने प्रयास गरिने जानकारी दिँदै ग्राहक वर्गमा पर्न जाने असुविधाप्रति क्षमा मागेको छ ।

जेठ २३ गते शनिबार विद्युत् आपूर्ति अवरुद्ध हुने स्थानहरूको सूची: