.gif)
 (1).png){kind=logo}
.png)
तिहार र छठका कारण स्थगित नेपाली कांग्रेसको केन्द्रीय समिति बैठक आजदेखि पुनः सुरु
ललितपुर : नेपाली काँग्रेसको केन्द्रीय कार्यसमिति बैठक आज अपेक्षित समयभन्दा ढिलो सुरु भएको छ । दिउँसो १ बजे प्रारम्भ हुने भनिएको बैठक करिब दुई घण्टापछि मात्र बिपी स्मृति भवन ललितपुरमा सुरु भएको हो ।
जारी बैठक असोज २८ गते सुरु भएको कार्यसमितिको निरन्तरता हो । तिहार र छठ पर्वका कारण बीचमा स्थगित भएको बैठक आज पुनः बसेको हो ।
बैठक कार्यवाहक सभापति पूर्णबहादुर खड्काको अध्यक्षतामा सुरु भएको छ । पार्टीका शीर्ष नेता र केन्द्रीय सदस्यहरूको उपस्थितिमा छलफलका लागि करिब १० एजेन्डा तय गरिएको बताइन्छ । तीमध्ये महाधिवेशनका तयारीलाई मुख्य एजेन्डाका रूपमा लिइएको छ ।
यसअघि असोज २८ गतेको बैठकमा ‘जेनजी’ प्रदर्शन, प्रतिनिधिसभा विघटनपछि बनेको राजनीतिक अवस्था, अन्तरिम सरकार गठन र पार्टीको भूमिकासम्बन्धी विषयमा छलफल भएको थियो।
जारी बैठकमा प्रत्येक केन्द्रीय सदस्यलाई निर्धारित समयभित्र आफ्नो मत राख्न अनुमति दिइएको छ ।
