चीनमा ओलीसँगको भेटपछि मोदीले लेखे–नेपालसँगको सम्बन्ध गहिरो र विशेष छ


२०८२ भदौ १५ आइतबार २०:१९ बजे

काठमाडौं । चीन भ्रमणमा रहेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेट भएको छ । उनीहरूबीच तियानजिनमा साइड लाइन भेट भएको हो । 

 दुई समकक्षीबीचको भेटको तस्वीर मोदीले आफ्नो एक्समार्फत सार्वजनिक गरेका छन् । ‘तियायानजिनमा नेपालका प्रधानमन्त्री केपी शर्मा ओलीसँग भेट्दा खुशी लाग्यो । भारत–नेपालको सम्बन्ध गहिरो र विशेष छ’ मोदीले फोटो राख्दै लेखेका छन् ।

मोदीसँगको भेटमा ओली पत्नी राधिका शाक्य पनि सँगै थिइन् । ओली शनिबार चीन भ्रमणमा गएका हुन् । शनिबार नै ओलीले चिनियाँ राष्ट्रपति सी चिनफिङसँग भेट गरेका थिए । चिनिया राष्ट्रपति सि चिनफिङको औपचारिक निमन्त्रणामा सांघाई सहयोग संगठन (एससीओ) को २५ औं शिखर सम्मेलनमा भाग लिन प्रधानमन्त्री केपी शर्मा ओली नेपाली प्रतिनिधि मण्डलको नेतृत्व गर्दै चीन गएका हुन् ।

प्रतिनिधि मण्डलमा प्रधानमन्त्री पत्नी राधिका शाक्य, शिक्षा विज्ञान तथा प्रविधिमन्त्री रघुजी पन्त, संस्कृति पर्यटन तथा नागरिक उडड्यनमन्त्री बद्रीप्रसाद पाण्डे, प्रधानमन्त्रीका आर्थिक तथा विकास सल्लाहकार डा. युवराज खतिवडा, नेपाली कांग्रेसका उपसभापति तथा सांसद पूर्णबहादुर खडका, नेकपा एमालेका सचिव तथा सांसद छविलाल विश्वकर्मा, परराष्ट्र मन्त्रालयका अधिकारीहरू छन् ।
 

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७