.gif)
 (1).png){kind=logo}
.png)
निजामति विधेयक : अन्तिम छलफलमा ‘सरोकार नभएका’ कर्मचारी आएको भन्दै विवाद
.jpg)
काठमाडौं । राष्ट्रियसभा अन्तर्गतको विधायन व्यवस्थापन समितिको बैठक चलिरहेको छ । समितिमा संघीय निजामती सेवा विधेयकमाथिको दफावार छलफल जारी छ । आइतबार विधेयकमा दबाब दिइरहेका संसद् सचिवालयका कर्मचारीहरू समितिमै उपस्थित भएका छन् ।
समितिको बैठकमै उपस्थित भएपछि मन्त्रालयका कर्मचारी र सांसदहरूले विरोध जनाएका छन् । विधेयकको प्रावधानमाथि टुंगो नलाग्दै गर्दा समितिको बैठकमा सहभागी हुनेको भूमिकामै विवाद भएको छ ।
सामान्य प्रशासन मन्त्रालयका सहसचिव मीरा आचार्यले समिति बाहिरका व्यक्ति हुँदा अप्ठ्यारो हुने बताइन् । ‘समिति बाहेकको कर्मचारी पनि हुनुहुन्छ उहाँहरूले गर्दा हामीलाई छलफलमा भाग लिन अप्ठेरो हुन्छ कि मैले अनुरोध मात्र गरेको हो’, उनले भनिन् ।
त्यस्तै, सासद बेदुराम भुसालले अपरिभाषित व्यक्तिलाई समितमा राख्ने, संशोधन राखेका सांसदलाई नराख्ने भन्दै प्रश्न गरेका छन् । ‘परिभाषित काम हो भने ठिकै छ । अपरिभाषित व्यक्तिलाई समितिमा राख्ने, ठाउँ छैन भनेर संशोधन राखेका सांसदलाई नराख्ने ?’ उनले प्रश्न गरे । समिति सभापतिले संसद् सचिवालयकै कर्मचारी भएको भनेपछि छलफल अघि बढेको छ ।
अन्तत संसद सचिवालयमा कार्यरत कर्मचारी बस्न पाउने तर, बोल्न नपाउने समितिले निर्णय गरेको छ । यद्यपी उक्त बहस भएपछि समितिको बैठकमा पुगेकी संसद सचिवालयका कर्मचारी एवम निजामती कर्मचारी युनियनका अध्यक्ष रेनुका सुवेदी लगायतका अरु कर्मचारी बैठकबाट बाहिरिएका छन् ।
