काठमाडौंमा बसमा स्कुटर ठोक्किँदा दुईको मृत्यु

---

नयाँ पेज

२०८२ भदौ १३ शुक्रबार ०७:१४ बजे

काठमाडौं । काठमाडौंमा गए राति बससँग स्कुटर ठोक्किँदा दुई जनाको मृत्यु भएको छ । काठमाडौं महानगरपालिका–३१ जडिबुटीको आकासे पुल नजिकै भएको दुर्घटनामा स्कुटर चालक नवलपरासी सुनौल–१ स्थायी घर भई हाल भक्तपुर लोकन्थली बस्ने २२ वर्षीय शिरिस पौडेल र काभ्रेपलाञ्चोक पाचँकाल–२ होस्के घर भएका २३ वर्षका नितेश नेपालको मृत्यु भएको हो ।

उनीहरूको उपचारको क्रममा ट्रमा सेन्टरमा मृत्यु भएको प्रहरीले जनाएको छ । राति २ः५० बजे जडिबुटीको आकासे पुल नजिकै सडक छेउमा रोकी राखेको बा प्र०१,००६ ख ४२४३ नम्वरको अरनिको यातायातमा कोटेश्वरबाट जडिबुटीतर्फ जाँदै गरेको लु ४३ प ४९३८ नम्बरको स्कुटर बसमा ठोक्किएर दुर्घटना भएको थियो।