.gif)
 (1).png){kind=logo}
.png)
यी प्रदेशमा आज भारी वर्षाको सम्भावना
.jpg)
काठमाडौं । हाल मनसुनको न्यूनचापीय रेखा सरदर स्थानको आसपासमा अवस्थित रहेको मौसमविदले जनाएका छन् । बंगालको खाडीबाट मनसुनी हावाको प्रभाव केही बढेको जल तथा मौसम पूर्वानुमान महाशाखाले जनाएको छ ।
आज (शुक्रबार) बिहान देशभरि आंशिकदेखि साधारणतया बदलीको अवस्था छ । साथै देशका अधिकांश भू–भागमा वर्षा भइरहेको महाशाखाले जनाएको छ । कोशी र लुम्बिनी प्रदेशका केही स्थानमा भारी वर्षा पनि भएको छ ।
शुक्रबार दिउँसो देशभरि नै बदली हुने पूर्वानुमान छ । सातै प्रदेशका अधिकांश पहाडी भू–भागमा हल्कादेखि मध्यम वर्षाको सम्भवना रहेको मौसमविद गोविन्द झाले जानकारी दिएका छन् ।
कोशी, गण्डकी र सुदूरपश्चिम प्रदेशका केही भू–भागहरूमा भारी वर्षाको पनि सम्भावना रहेको उनले बताए । शुक्रबार राति पनि देशैभरि आंशिकदेखि साधारणतया बदली रहने पूर्वानुमान छ ।
राति कोशी र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको पनि मौसमविद झाले जानकारी दिए । उनका अनुसार भोलिका लागे भने मौसम केही सुधार हुने सम्भावना हो ।
‘मनसुनको समय हो । जलवाष्पयुक्त हावा पनि आइरहेको छ । मध्यमसम्म वर्षा त भइहाल्छ । यद्यपि भारी वर्षाको सम्भावना भने भोलिलाई कम देखिन्छ,’ उनले भने ।
