बागमती प्रदेशसभा : बजेटका सिद्धान्त र प्राथमिकतामा छलफल

---

नयाँ पेज

२०८२ जेठ ८ बिहीबार १५:५३ बजे

बागमती । बागमती प्रदेशसभाको बैठकमा आगामी आर्थिक वर्षको विनियोजन विधेयकका सिद्धान्त र प्राथमिकतामाथि आज पनि छलफल जारी रहने सभामुखको सचिवालयले जनाएको छ । बैठक बिहान ११ः०० बजे हुनेछ । बुधबारको बैठकमा कृषि, उद्योग, वन र पर्यटक प्रवर्द्धनलाई बजेटले प्राथमिकता दिनुपर्ने सांसदहरुको सुझाव थियो । आव २०८२/८३ को विनियोजन विधेयकका सिद्धान्त र प्राथमिकता (कर प्रस्तावबाहेक) छलफल जारी छ ।  

दश महिनामा ३३ करोड ४४ लाख राजस्व संकलन
हेटौँडा उपमहानगपालिकाले चालु आर्थिक वर्ष २०८१/८२ को १० महिनामा रु ३३ करोड ४४ लाख छ हजार राजस्व संकलन गरेको छ । दश महिनामा सम्पत्ति करबाट रु छ करोड ८५ लाख ६८ हजार ९७१, घरबहाल करबापत रु चार करोड ६३ लाख ३५ हजार ८४, नक्सापास दस्तुर रु पाँच करोड ७५ लाख ५८ हजार ५१०, पूर्वाधार सेवाको उपयोगमा लाग्ने करबाट रु तीन करोड ५६ लाख २५ हजार संकलन भएको उपमहानगपालिकाले जनाएको छ ।