सरकारसँग वार्ता गर्न ‘नो केवलकार’ पक्षले बनायो टोली

---

नयाँ पेज

२०८१ चैत ३ आइतबार १७:०८ बजे

काठमाडौं । सरकारसँग वार्ता गर्न ‘नो केवलकार’ पक्षले १० सदस्यीय वार्ता टोली बनाएको छ । समूहको संयोजकमा सरस्वता सिंघक (सरु) चयन भएकी छन् । टोलीमा कुमार लिम्बू, सूर्यविक्रम चेम्जोङ, धनराज हुक्पा चोङवाङ, दीपक याक्खा, लवन न्यौपाने, सन्तोष मेहता, पदम जवेगु, सूर्यप्रकाश मावोहाङ (आलोक) र अर्जुन जुम्नेली राई सदस्यका रूपमा छन् ।

‘नो केवलकार’ घटकहरूले जारी गरेको विज्ञप्तिमा वार्ता टोली गठनको जानकारी दिइएको छ । सरकारले चैत १ गते मुक्कुमलुङ ताङेसेःप चुम्भो र मुक्कुमलुङ संरक्षण अन्तरदलिय संघर्ष समितिलाई सम्बोधन गर्दै समस्या समाधानका लागि वार्तामा बस्न आह्वान गरेको थियो । सरकारले गृहसचिव प्रेमप्रसाद भट्टराईको नेतृत्वमा वार्ता टोली गठन गरिसकेको छ । अब आन्दोलनरत पक्ष र सरकारबीच छलफल हुन लागेको छ । जसले केवलकारको विषयमा जारी विवादको समाधान निकाल्ने अपेक्षा गरिएको छ ।