क्रिकेटर आरिफ शेखले गरे विवाह

---

नयाँ पेज

१६:०३ बजे

काठमाडौं । नेपाली राष्ट्रिय क्रिकेट टोलीका अलराउण्डर आरिफ शेखले विवाह गरेका छन् । बिहीबार पर्सा वीरगञ्जमै आरिफले सबाना खातुनसँग मुस्लिम परम्पराअनुसार विवाह गरेका हुन् । आरिफ र सबानालाई अहिले उनीहरुका शुभचिन्तकहरूले वैवाहिक जीवनको शुभकामना दिइरहेका छन् ।

त्यस्तै राष्ट्रिय क्रिकेट टोलीका कप्तान रोहित पौडेल, क्रिकेटर सन्दिप लामिछाने, करण केसीलगायत खेलाडीहरुले पनि आरिफ र सबानालाई वैवाहिक जीवनको शुभकामना दिएका छन् । हालै सम्पन्न नेपाल प्रिमियर लिग (एनपीएल) मा आरिफ सुदूरपश्चिम रोयल्सबाट खेलेका थिए । फाइनलमा सुदूरपश्चिम जनकपुर बोल्ट्ससँग पराजित भएको थियो ।