धादिङमा माइक्रोबस दुर्घटना, १६ यात्रु घाइते

---

नयाँ पेज

२०८१ पौष १२ शुक्रबार १२:४८ बजे

काठमाडौं । धादिङमा माइक्रोबस दुर्घटना हुँदा १६ जना यात्रु घाइते भएका छन् । काठमाडौंबाट चितवनका लागि छुटेको बा २ ख २८२९ नम्बरको माइक्रोबस गल्छी गाउँपालिका–८ गल्छीमोडमा दुर्घटनामा परेको हो ।

दुर्घटनामा परेर १६ जना घाइते भएका जिल्ला प्रहरी कार्यालय धादिङका सूचना अधिकारी प्रहरी नायब उपरीक्षक सुवास हमालले लोकान्तरलाई जानकारी दिए । उनका अनुसार घाइतेहरूको अम्बेभरोसा अस्पतालमा उपचार भइरहेको छ । माइक्रोबस आफैं अनियन्त्रित भएर सडकको भित्तामा ठोक्किएको थियो ।

दुर्घटनामा माइक्रोबस चालक मकवानपुरको थाहा नगरपालिकाका २२ वर्षीय सञ्जय लामा गुरुङ पनि घाइते भएका छन्। उनको टाउको, मुख र ढाडमा चोट लागेको र अवस्था मध्यम रहेको सूचना अधिकारी हमालले जानकारी दिए ।