फुल्चोकी जंगलमा हराएका १३ जनाको खोजीमा प्रहरी परिचालन

---

नयाँ पेज

२०८१ पौष ८ सोमबार ००:१३ बजे

 काठमाडौं । ललितपुरको फुल्चोकी जंगलबाट हराएका १३ जनाको खोजीका लागि प्रहरी परिचालन भएको छ ।सोमबार गोदावरी नगरपालिकामा पर्ने फुल्चोकीमा घुम्न गएका १३ जना व्यक्ति हराएका हुन् । ललितपुर प्रहरीका अनुसार हराएको सूचनापछि अहिले खोजी कार्य थालिएको छ । उनीहरुको खोजीमा इन्सपेक्टरको कमाण्डमा टोली खटाइएको बताइएको छ ।

‘साढे ५ बजेतिर हामीलाई टेलिफोनबाट जानकारी आएको थियो । हामीले बाँडेगाउँबाट इन्सपेक्टरको कमाण्डमा टोली पठाइसकेका छौं’, जिल्ला प्रहरी परिसरका प्रवक्ता एसपी नवरत्न पौडेले भने । यसअघि पनि यो जंगलमा घुम्न जानेहरू पटक–पटक हराएका छन् । फुल्चोकी काठमाडौँ उपत्यकाकै अग्लो स्थान भएकाले घुमफिर गर्नेको रोजाइमा पर्ने गरेको छ ।