आज पनि बढ्यो सुनको भाउ, तोलाको कति पुग्यो ?

---

नयाँ पेज

२०८१ मङ्सिर ५ बुधबार १३:१५ बजे

काठमाडौं । दुई साता लगातार घटेको सुनको भाउ फेरि लगातार नै बढ्न थालेको छ । नेपाली बजारमा आज (बुधबार) सुनको भाउ बढेको छ भने चाँदीको मूल्य सामान्य घटेको छ । 

नेपाल सुनचाँदी व्यवसायी महासंघका अनुसार आज सुन तोलामा ९ सयले बढेर तोलाको एक लाख ६३ हजारमा कारोबार भइरहेको छ । यसअघि मंगलबार सुन तोलाको एक लाख ६२ हजार एक सयमा कारोबार भएको थियो  । त्यस्तै आज चाँदीको मूल्य भने सामान्य घटेको छ । आज चाँदी प्रतितोला ५ रुपैयाँले घटेर तोलाको १९५० रुपैयाँमा कारोबार भइरहेको महासंघले जनाएको छ ।