.gif)
 (1).png){kind=logo}
.png)
सुनको भाउ आज फेरि उच्च वृद्धि, तोलाको कति पुग्यो ?
काठमाडौं । दुई साता निकै ओरालो लागेको सुनको भाउ आज (मंगलबार) ह्वातै बढेको छ । नेपाली बजारमा आज सुनको मूल्य तोलामै दुई हजार रुपैयाँ बढेको छ । आज चाँदी पनि महँगिएको नेपाल सुनचाँदी व्यवसायी महासंघले जानकारी दिएको छ ।
आज सुनको मूल्य तोलामा दुई हजार रुपैयाँ बढेर एक लाख ६२ हजार एकसय रुपैयाँ पुगेको छ । हिजो सुनको मूल्य एक लाख ६० हजार एकसय रुपैयाँ थियो । गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो । त्यो दिन सुन प्रतितोला १ लाख ७१ हजार रुपैयाँ पुगेको थियो ।
त्यसयताका दुई सातामा सुनको मूल्य ११ हजार रुपैयाँ घटेको थियो । सोमबार तोलामा एकसय रुपैयाँ मात्रै बढेको सुनको मूल्य आज तोलामै दुई हजार बढेको हो । आज चाँदीको मूल्य पनि तोलामा ३५ रुपैयाँ बढेको छ । हिजो एक हजार नौसय २० रुपैयाँमा कारोबार भएको चाँदीको मूल्य आज एक हजार नौसय ५५ रुपैयाँ पुगेको छ ।
