.gif)
 (1).png){kind=logo}
.png)
मोटरसाइकल दुर्घटना हुँदा २८ वर्षीय युवकको मृत्यु
१४:०६ बजे
डडेल्धुरा । डडेल्धुरामा मोटरसाइकल दुर्घटना हुँदा एक युवकको मृत्यु भएको छ । बुधबार राति परशुराम नगरपालिका–६ छेलास्थित बा ०२–०२२ प २१४५ नम्बरको मोटरसाइकल दुर्घटना हुँदा वडा नम्बर–४ बस्ने २८ वर्षीय मोटरसाइकल चालक भुपेन्द्र भट्टको मृत्यु भएको हो ।
दुर्घटनामा गम्भीर घाइते उनलाई उपचारको लागि जोगबुढा अस्पताल जोगबुढा लगिएकोमा उपचारको क्रममा मृत्यु भएको सुदूरपश्चिम प्रदेश प्रहरी कार्यालयले जनाएको छ । भट्टले जोगबुढामा व्यवसाय गर्दै आएका थिए ।
मोटरसाइकलमा पछाडि सवार सोही ठाउँ बस्ने २० वर्षीय सिद्धराज भट्टलाई धनगढी रेफर गरिएको छ । परशुराम नगरपालिका–६ को आयोजनामा भइरहेको नरबहादुर धामी स्मृति क्रिकेट प्रतियोगिता हेरेर फर्किने क्रममा दुर्घटना भएको हो । मोटरसाइकल आफै अनियन्त्रित भएर दुर्घटना भएको डडेल्धुरा प्रहरीले जनाएको छ ।
