भूमि समस्या समाधान आयोग गठन गर्ने सरकारको निर्णय, अध्यक्षमा रिजाल

---

नयाँ पेज

२०८१ कार्तिक १३ मंगलबार ०६:०९ बजे

काठमाडौं । सरकारले भूमि समस्या समाधान गर्न आयोग गठनको निर्णय गरेको छ । आज (मंगलबार) बसेको मन्त्रिपरिषद् बैठकले प्युठानका हरिप्रसाद रिजालको अध्यक्षतामा भूमि समस्या समाधान आयोग गठन गरेको हो।

सञ्चार तथा सूचना प्रविधि मन्त्री पृथ्वीसुब्बा गुरुङले ८ सदस्यीय भूमि समस्या समाधान आयोग गठन गरेको जानकारी दिए। ‘प्युठानका हरिप्रसाद रिजालको अध्यक्षतामा भूमि समस्या समाधान आयोग गठन भएको छ । समिति ८ सदस्यीय रहनेछ,’ उनले भने ।