.gif)
 (1).png){kind=logo}
.png)
शिवगढीमा विप्लवको कृषि कम्युनमा घनश्याम भुसाल
काठमाडौं । नेकपा एकीकृत समाजवादीका महासचिव घनश्याम भुसाल र नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ बीच भेटवार्ता भएको छ । कपिलवस्तुको शिवगढीस्थित विप्लव निवासमा दुई नेताबीच आइतबार बिहान भेटवार्ता भएको हो ।
नेकपा एसका महासचिव भुसाल विप्लवलाई भेट्न उनकै निवासमा पुगेका थिए । त्यस अवसरमा उनले नेकपाको कृषि कम्युनको पनि अवलोकन गरेका छन् । नेपाल कम्युनिष्ट पार्टी कपिलवस्तुका सचिव विनोद सीका अनुसार कृषि कम्युन अवलोकनसँगै समसामयिक राजनीतिक विषयमा छलफल भएको थियो ।
एकीकृत समाजवादीका महासचिव भूसालले नेपाल कम्युनिष्ट पार्टीको कृषि कम्युन घुम्ने चाहना व्यक्त गरेकोले घुमघाम र भेटघाटको व्यवस्था मिलाइएको नेपाल कम्युनिष्ट पार्टी कपिलवस्तुका सचिव बिनोद सीले जानकारी दिए । ‘महासचिव भूसालले लामो समयदेखि हाम्रो कृषि कम्युन र पार्टी कार्यालय घुम्ने चाहना देखाउनुभएको थियो’ उनले भने, ‘उहाँ आफ्नो निर्वाचन क्षेत्र आउनुभएको बेला घुमघामको मेसो मिलाइएको हो, उहाँ अहिले पनि हाम्रो उत्पादन प्रणाली र पार्टी कार्यालय भ्रमणमा हुनुहुन्छ ।’
