एनपीएल विजेतालाई राष्ट्रपति पौडेलको बधाई

---

नयाँ पेज

२०८१ पौष ६ शनिबार २३:५४ बजे

काठमाडौं । राष्ट्रपति रामचन्द्र पौडेलले पहिलो संस्करणको नेपाल प्रिमियर लिग (एनपीएल) को उपाधि जित्न सफल जनकपुर बोल्ट्सलाई बधाई दिएका छन् ।

साथै उनले प्रतियोगितामा सहभागी सबैलाई शुभकामना दिँदै आगामी संस्करणहरूमा अझ राम्रो गर्ने विश्वास व्यक्त गरेका छन् । त्रिवि क्रिकेट मैदान कीर्तिपुरमा भएको फाइनलमा जनकपुर बोल्ट्सले प्रमुख दाबेदार सुदूरपश्चिम रोयल्सलाई ५ विकेटले स्तब्ध पार्दै उपाधि जितेको हो ।