छविलाललाई रिहा गर्न सर्वोच्चद्वारा अस्वीकार, रिट खारेज

---

नयाँ पेज

११:५७ बजे

काठमाडौं । सर्वोच्च अदालतले सूर्यदर्शन सहकारी ठगी प्रकरणमा पक्राउ परेका छविलाल जोशीलाई धरौटीमा रिहा गर्न प्रहरीको ध्यानाकर्षण गराएको छ ।

आज (बुधबार) न्यायाधीशहरु तिलप्रसाद श्रेष्ठ र अब्दुल अजिज मुसलमानको इजलासले दशैंको बिदा शुरु हुन लागेकाले जोशीलाई धरौटी वा तारेखमा छाड्न प्रहरीको ध्यानाकर्षण गराएको हो । यसअघि जिल्ला अदालत कास्कीले जोशीलाई १७ असोजसम्म हिरासतमा राख्न आदेश दिएको थियो ।

बन्दी प्रत्यक्षीकरण रिटमाथि सुनुवाइ गर्दै सर्वोच्च अदालतले उनलाई गैरकानुनी रुपमा हिरासतमा राखिएको नभए पनि, दशैंको बिदालाई ध्यानमा राखी धरौटी वा तारेखमा रिहा गर्न सकिने बताएको छ । ‘दशैं बिदाका कारण अब उनलाई धरौटी वा तारेखमा रिहा गर्दा पनि हुने’ बताउँदै सर्वोच्च अदालतले प्रहरीलाई ध्यान दिन निर्देशन दिएको हो ।