.gif)
.png)
पहिरोले कान्ति लोकपथ अवरुद्ध
२०८१ असोज १० बिहीबार ०३:५३ बजे
बागमती । अविरल वर्षासँगै खसेको पहिरोका कारण कान्ति लोकपथ पूर्णरुपमा अवरुद्ध भएको छ । मकवानपुरको बकैया गाउँपालिका– १२ घट्टेपाखास्थित सडकमा पहिरो खस्दा सडक पूर्णरुपमा अवरुद्ध भएको मकवानपुर जिल्ला प्रहरी कार्यालयले जनाएको छ ।
सडक विभागसँगको समन्वयमा पहिरो हटाएर सवारीसाधन सञ्चालनको प्रयास जारी छ । सडकमा पहिरो खसेपछि हेटौँडा–काठमाडौँको आवतजावत गर्ने सवारी साधनबीच बाटोमै रोकिएका छन् । गाडी रोकिँदा यात्रुको विचल्ली भएको छ । पहिरो ठूलो भएकाले हटाउन आज दिनभरी नै लाग्ने अनुमान प्रहरीले गरेको छ ।
