.gif)
.png)
धनराजबारे विश्वप्रकाशको टिप्पणी : सहकारी ठगीमा दोषी देखिए जेल जानुहुन्छ
काठमाडौं । सत्तारुढ नेपाली कांग्रेसका महामन्त्री विश्वप्रकाश शर्माले सहकारी ठगीमा दोषी देखिए पार्टी उपसभापति धनराज गुरुङ जेल जाने टिप्पणी गरेका छन् । सहकारी ठगी प्रकरणमा उपसभापति गुरुङमाथि छानबिन सुरु भइसकेको समेत उनले बताएका छन् ।
नेपाली कांग्रेस झापा–काठमाडौँ सम्पर्क समितिको कार्यक्रमलाई शनिबार सम्बोधन गर्दै महामन्त्री शर्माले नयाँ दल भन्नेहरुले जस्तो आफूहरुले छानबिन गर्न नै हुँदैन भन्ने पक्षमा नरहेको उनको भनाइ थियो ।
‘उहाँमाथि छानबिन सुरु भएको छ । त्यो प्रक्रिया अवरुद्ध गर्न कांग्रेस लाग्दैन । सीआईबीले छानबिन गरिरहेको छ । निर्दोष देखिनु हुन्छ, माला लगाएर कांग्रेसको नेतृत्व गर्नु हुन्छ । दोषी देखिनु हुन्छ, जेल जानुहुन्छ,’ उनले भने । पूर्वकानुन मन्त्री समेत रहेका कांग्रेस उपसभापति एवं प्रतिनिधि सभा सदस्य गुरुङ सहकारी ठगी प्रकरणमा मुछिएपछि उनीमाथि छानबिन सुरु भएको छ ।
