.gif)
 (1).png){kind=logo}
.png)
छुरा प्रहार गरी झापामा १९ वर्षीया युवतीको हत्या
झापा । झापाको बिर्तामोडमा छुरा प्रहारबाट एक जना युवती ज्यान गएको छ । छुरा प्रहारबाट इलाम सूर्योदय नगरपालिका–१० फिक्कलकी १९ वर्षीया मनिषा लोहारको ज्यान गएको इलाका प्रहरी कार्यालय अनारमनीका प्रहरी नायब उपरीक्षक प्रकाश विष्टले जानकारी दिए । मनिषा हाल झापा बिर्तामोड नगरपालिका–५ पाथीभरा टोलमा डेरा गरी बस्दै आएकी छन् ।
लोहारलाई कैलाली गौरीगंगा नगरपालिका–३ निवासी २० वर्षीय अनिल विकले छुरा प्रहार गरेका हुन् । छुरा प्रहारबाट घाइते उनको उपचारका क्रममा मृत्यु भएको प्रहरीले जनाएको छ । स्थानीयले युवतीलाई छुरा प्रहार गरेको देखेपछि भागेका अनिललाई अर्जुनधारा–६ बाट पक्राउ गरेको प्रहरीले जनाएको छ ।
घटनाको विषयमा थप अनुसन्धान भइरहेको प्रहरीले बताएको छ । चार दिनअघि केटीको विषयमा बिर्तामोडको किराँत चोकमा दुई समूहबीच ग्याङ फाइट भएको थियो । झडपमा एक जना घाइते भएका थिए भने तीन जनालाई प्रहरीले पक्राउ गरेको थियो ।
