.gif)
 (1).png){kind=logo}
.png)
ईपीएस भाषा परीक्षा : उत्पादनमुलक क्षेत्रको पहिलो चरणको नतिजा प्रकाशित, ६,३२१ जना उत्तीर्ण
२०८० चैत २७ मंगलबार १७:२८ बजे
काठमाडौं । दक्षिण कोरियाको उत्पादनमूलक क्षेत्रमा रोजगारीका लागि लिइएको भाषा परीक्षाको नतिजा सार्वजनिक भएको छ । दक्षिण कोरियाको मानव संसाधन विकास सेवाले मंगलबार नतिजा प्रकाशन गरेको हो ।
जसमा ६,३२१ जना उत्तीर्ण भएका छन् । प्रकाशित नतिजा अनुसार ९२.५ प्रतिशत अंक ल्याउने उत्तीर्ण भएका हुन् । पहिलो चरणको परीक्षामा ४७ हजार बढी परीक्षार्थी सहभागी भएका थिए ।
दक्षिण कोरियाको रोजगार अनुमति प्रणाली (ईपीएस) मार्फत कामदार लैजान कोरियाली सरकारले नेपाल सरकारसँग सन् २००७ मा एमओयू गरेको थियो । त्यसअन्तर्गत सन् २००८ बाट कामदार लैजान सुरु गरिएको थियो ।
