.gif)
 (1).png){kind=logo}
.png)
बनेश्वरमा शिक्षकको आन्दोलनमा प्रहरी हस्तक्षेप
काठमाडौं । राहत शिक्षकहरूको प्रदर्शनमा प्रहरीले हस्तक्षेप गरेको छ । केही शिक्षकहरू घाइते भएका छन् । शिक्षा विधेयकका केही प्रावधानमा असहमति जनाउँदै राहत शिक्षकहरू काठमाडौंमा प्रदर्शन जारी राखेका छन् ।
शिक्षकहरूको प्रदर्शनका कारण माइतीघर बानेश्वर सडकखण्ड अवरुद्ध भएको छ । प्रहरीले निषेधित क्षेत्रमा प्रवेश रोक लगाउने क्रममा झडप भएको हो । आन्दोलनरत राहत शिक्षकले बबरमहल–नयाँबानेश्वर सडकमा मुख्य सडक अवरुद्ध गरेर आन्दोलन गरेका छन् । बीचको मूल सडक र बायाँतर्फको बाटो आन्दोलनकारीले कब्जा गरेपछि सवारी आवागमन अस्तव्यस्त बनेको छ ।
राहत शिक्षकले मंगलबार पनि काठमाडौंमा प्रदर्शन गरेका थिए । उनीहरूले काठमाडौंको माइतीघरदेखि नयाँबानेश्वरसम्म सिटी फुकेर र्याली निकालेका थिए । यही असोज ५ गते सरकार र शिक्षक महासंघका पदाधिकारीबीच शिक्षा विधेयकका विषयमा ६ बुँदे सहमति भएको थियो । राहत शिक्षकले त्यसप्रति असन्तुष्टि जनाउँदै प्रदर्शन जारी राखेका छन् ।
