त्रिशुलीमा हामफाल्न मुग्लिन पुलमा झुण्डिएका व्यक्तिको सकुशल उद्धार

---

नयाँ पेज

२०८० भदौ २ शनिबार ०९:०७ बजे

चितवन । चितवन र तनहुँ जोड्ने त्रिशुली नदीको मुग्लिन पुलमा झुण्डिएका एक व्यक्तिको सशस्त्र प्रहरीले सकुशल उद्धार गरेको छ । आज (शनिबार) धादिङको नीलकण्ठ नगरपालिका– ६ का ४५ वर्षका कृष्ण परियार पुलमा झुण्डिएका थिए ।

खबर पाएपछि पुगेको सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारको ११ जनाको टोलीले रोप रेस्क्यु विधिबाट जीवितै उद्धार गरेको हो ।

उनलाई सशस्त्र प्रहरी बल नेपाल बिपद् ब्यवस्थापन तालिम शिक्षालय कुरिनटारबाट गएको ११ जनाको टोलीले उद्दार गरेको हो । उनको उपचारका लागि मुग्लिन हाईवे अस्पतालमा पठाएको छ । उनी हामफाल्नुको कारणबारे केही खुलेको छैन । यसबारे अनुसन्धान भइरहेको सशस्त्र प्रहरीले जनाएको छ ।