एमाले, रास्वपा र राप्रपाको अवरोधपछि प्रतिनिधिसभा बैठक एक घण्टाका लागि स्थगित

---

नयाँ पेज

१४:२६ बजे

काठमाडौँ । नेकपा एमाले, राष्ट्रिय स्वतन्त्र पार्टी र राप्रपाले नागरिकता विधेयक प्रमाणीकरण, प्रधानमन्त्रीको भारत भ्रमण र आममाफीको विषयमा प्रधानमन्त्रीले जवाफ दिनुपर्ने भन्दै प्रतिनिधिसभामा अवरोध गरेपछि सभामुख देवराज घिमिरेले एक घण्टाका लागि बैठक स्थगित गरेका छन् ।

सभामुख घिमिरेले प्रधानमन्त्री पुष्पकमल दाहाल ‘प्रचण्ड’ लाई जवाफ दिन रुलिङ गरेपछि पनि संसदमा नाराबाजी नरोकिएपछि भएपछि बैठक एक घण्टाका लागि स्थगित गरेका हुन् । ‘सदस्यहरुले उठाउनु भएको कुराप्रति सदन र सभामुखको गम्भीर ध्यानाकर्षण भएको छ । उपयुक्त समयमा सरकारले जवाफ दिने छ,’ घिमिरेले संसदमा भने । एमाले, रास्वपा र राप्रपाका सांसदले आफ्नो सिटबाट उठेर नाराबाजी गरेका थिए ।