.gif)
.png)
प्रचण्डले मोदीलाई दिए नेपाल भ्रमणको निम्तो
नयाँदिल्ली । प्रधानमन्त्री पुष्पकमल दाहाल ‘प्रचण्ड’ ले भारतीय समकक्षी नरेन्द्र मोदीलाई नेपाल भ्रमणको निम्तो दिएका छन् ।
भारत भ्रमणमा रहेका प्रधानमन्त्री प्रचण्डले संयुक्त पत्रकारमा बोल्दै मोदीलाई नेपाल भ्रमणको निम्तो दिएका हुन् ।
प्रचण्डले मोदीको भ्रमण चाँडै हुने आशा व्यक्त गरेका छन् । भारत नेपालको सबैभन्दा नजिकको छिमेकी मात्रै नभएर सबैभन्दा ठूलो व्यापारिक साझेदार भएको बताउँदै प्रचण्डले चाँडै मोदीलाई नेपाल भ्रमणमा स्वागत गर्ने बताए ।
दिल्लीस्थित हैदरावाद हाउसमा भएको संयुक्त पत्रकार सम्मेलनमा उनले चाँडै बंगलादेशसम्म बिजुली निर्यातका लागि त्रिपक्षीय सहमति हुने बताएका थिए । अरुण, भारतीय बाटो हुँदै बंगलादेशसम्म बिजुली निर्यात, ४८० मेगावाटको फुकोट कर्णाली, पञ्चेश्वर बहुद्देश्यीय आयोजना, पेट्रोलियम पाइपलाइन, सीमा समाधानलगायत विविध विषयमा सहमति भएको उनले बताएका थिए ।
