कैलालीमा ट्याक्टर पल्टिँदा एक जनाको मृत्यु

---

नयाँ पेज

२०७९ चैत ६ सोमबार २०:१५ बजे

कैलाली । कैलालीको भजनी नगरपालिका–३ कुडिचोकमा आइतबार बेलुकी ट्याक्टर अनियन्त्रित भएर पल्टिँदा एक जनाको ज्यान गएको छ । मृत्यु हुनेमा ट्याक्टरमा सवार कैलालीकै भजनी नगरपालिका–१, ठेगरपुरका अन्दाजी २८ बर्षीय टीकाराम चौधरी रहेका छन् ।

सुख्खडबाट भजनीतर्फ जाँदै गरेको से २ त १०२० नम्बरको ट्याक्टर अनियन्त्रित भइ पल्टिँदा गम्भीर घाइते भएका चौधरीको प्राथमिक स्वास्थ्य केन्द्र भजनीमा उपचारको क्रममा मृत्यु भएको प्रहरीले जानकारी दिएको छ । ट्याक्टर चालक फरार रहेकाले खोजी भइरहेको इलाका प्रहरी कार्यालय भजनीले जनाएको छ ।