.gif)
 (1).png){kind=logo}
.png)
बराबरी हैसियत नभए एकता हुँदैन : वाइसिएल
२०७५ बैशाख २ आइतबार १०:५३ बजे
वाइसिएका फ्याक्सन इन्चार्ज मणि थापासहित अध्यक्ष प्रचण्डको निवास खुमलटार पुगेर वाइसिएलले समान हैसियतमा एकता गर्न ध्यानाकर्षण गराएको हो । वाइसिएल अध्यक्ष रामप्रसाद सापकोटा ‘दीपशिखा’ ले जनयुद्ध विना र बराबरी हैसियत विनाको एकता नस्वीकार्न पार्टी अध्यक्ष प्रचण्डको ध्यानाकर्षण गराएको बताए । उनका अनुसार वाइसिएलको धारणा नै आम माओवादी नेता–कार्यकर्ता र शुभेच्छुकहरुको पनि धारणा हो भन्दै अध्यक्ष प्रचण्डले समानताको आधारमा सम्मानजनक एकता नै हुने बताएका छन् ।
वाइसिएल टोलीलाई प्रचण्डले एकताको अधिकतम पहल भइरहेको जानकारी दिएका थिए । माओवादी र एमालेबीच जनयुद्ध शब्द, चुनाव चिह्न र केन्द्रीय समितिमा रहने संख्याको विषयमा विवाद छ । माओवादी नेताहरुले पार्टी एकतापछि केन्द्रीय समितिमा बराबरी संख्यामा भागबण्डा हुनुपर्ने माग राख्दै आएका छन् । यिनै विवादमा कुरा मिल्न नसक्दा यही वैशाख ९ गते हुने भनिएको पार्टी एकता घोषणा पनि अन्योलमा परेको छ । 
