.gif)
.png)
कस्मिरमा भारतीय सेनाको कारवाहीमा चरमपन्थी समूहका प्रमुख मारिए, सहायक समातिए
नयाँदिल्ली, १७ कार्तिक । भारत प्रशासित कस्मिरमा भारतीय सुरक्षाकर्मीको कारबाहीमा चरमपन्थी समूह हिजबुल मुजाहिदिनका प्रमुख कमाण्डर मारिएका छन् ।
भातरीय प्रहरीका अनुसार श्रीनगरको विमानस्थल नजिक रनग्रेथ क्षेत्रमका भएको मुठभेडमा मुजाहिद्दिनका कमाण्डर सैफुल्लाह मिर मारिएका हुन् भने उनका सहायकलाई सेनाले नियन्त्रणमा लिएको बीबीसी हिन्दीले जनाएको छ ।
भारतीय सेनासँगको भिडन्तमा घाइते हुने अतिवादीहरूको उपचार गर्ने सैफुल्लाहलाई मुसैब वा डाक्टर सैफी पनि भनिन्थ्यो ।
समाचार एजेन्सी एएफपीका अनुसार कस्मिरका प्रहरी महानिरीक्षक विजय कुमारले भने, ‘मुठभेड़मा मारिएका सैफुल्लाह मरेका अतिवादी हिजबुल मुजाहिद्दिन अपरेसनका चिफ कमान्डर हुन् । यो हाम्रा लागि ठूलो सफलता हो ।’
गत मेमा उक्त समूहका प्रमुख रहेका रियाज नाइकु दक्षिण कस्मिरमा सेनासँगको भिडन्तमा मारिएपछि उनको स्थामा सैफुल्लाहलाई राखिएको थियो । ३१ वर्षीय उनी दक्षिण कस्मिरका पुलवामा, कुलगाम र सोपियाङ सक्रिय थिए । एजेन्सी
