.gif)
 (1).png){kind=logo}
.png)
ट्याङ्करको ठक्करबाट एकको मृत्यु, स्थानीयले जलाए दुई ट्याङ्कर
कञ्चनपुर, १९ असार । कञ्चनपुरको दक्षिणी क्षेत्रस्थित पुनर्वास नगरपालिकामा पानी बोक्ने ट्याङ्करको ठक्करबाट एक जनाको ज्यान गएको छ ।
पुर्नवास नगरपालिका–१ कान्छीबजार नजिकै पानी बोक्ने ट्याङ्करले मोटरसाइकललाई ठक्कर दिँदा एक जनाको मृत्यु भएको जिल्ला प्रहरी कार्यालय कञ्चनपुरका डीएसपी अमर थापाले जानकारी दिए । ट्याङ्करको ठक्करबाट मृत्यु हुनेमा पुर्नवास नगरपालिका–७ का ३८ वर्षीय लोकेन्द्रसिंह ठकुरी रहेका छन् ।
तीव्र गतिमा गुडिरहेका बा १ क ९७८४ र से १ क १७४ नम्वरको ट्याङ्करमध्ये एउटाले से ६ प ६४२६ नम्वरको मोटरसाइकलमा सवार ठकुरीलाई ठक्कर दिएको थियो । ती दुई ट्याङ्करमध्ये ठक्कर दिनेको पहिचान हुन सकेको छैन् । ठक्करपछि गम्भीर घाइते भएका उनको घटनास्थलमै मृत्यु भएको प्रहरीले जनाएको हो ।
ठकुरीको मृत्युपछि सो क्षेत्र तनावग्रस्त भएको छ । आक्रोशित स्थानीयले पानी ढुवानी गर्ने ती दुवै ट्याङ्करमा आगो लगाई दिएका छन् ।
