.gif)
.png)
रामेछापको दुर्गम गाउँमा निशुल्क आँखा शिविर
काठमाडौं, ५ असार । सद्भाव युवा समाज नेपालले रामेछापको लिखु गाउँपालिका १, दुरागाउँमा निशुल्क आँखा शिविर गर्ने भएको छ ।
रामेछापको दुरागाउँमा २०७६ असार ७ गते शनिबार आयोजना हुन गइरहेको एकदिने निशुल्क आँखा शिविरमा तिलगंगा आँखा अस्पतालका चिकित्सकको टोली जानेछ । लिखुका दुरागाउँबासीका अलावा सैपूका बासिन्दा पनि आँखा शिविरबाट लाभान्वित हुनेछन् । सद्भाव युवा समाजको बैठकले गर्न लागेको आँखा शिविरको लागि ऐक्यबद्धता प्रकट गर्दै सद्भाव युवा समाज कतारबाट सहयोग स्वरुप ५१ हजार रुपैयाँ प्रदान गर्ने निर्णय गरेको छ ।
युवा समाज कतारले आपसी सहकार्यको हार्दिक नमूना प्रस्तुत गरेकोमा सद्भाव युवा समाजले आभार प्रकट गरेको छ । र, आगामी दिनहरुमा समेत हामी यस्तै सहकार्य अनि ऐक्यबद्धताको अपेक्षा गर्दै एकजुट भएर अगाडि बढ्ने बताएको छ । समाजले दोहास्थित कतार एयरवेजमा कार्यरत नेपाली साथीभाइहरुमा कार्यगत एकताको लागि समेत हार्दिक आह्वान गरेको छ ।
