.gif)
 (1).png){kind=logo}
.png)
सरकारले बारा र पर्सामा ४ हजार १६८ थान कपडा र ४६८ थान त्रिपाल पठायो
१७:१८ बजे
काठमाडौँ, १८ चैत । हावाहुरीबाट प्रभावित जिल्ला बारा र पर्सामा सङ्घीय सरकारले ४ हजार १६८ थान कपडा ४६८ वटा त्रिपाल पठाएको छ ।
गृह मन्त्रालयको विपद व्यवस्थापन महाशाखाकाअनुसार सशस्त्र प्रहरीको ट्रकमार्फत ४ हजार १६८ थान कपडा ४६८ वटा त्रिपालसँगै पठाएको छ । ५ सय घर परिवार प्रभावित भए पनि काठमाडौँबाट ४६८ त्रिपाल पठाएको हो । १५० वटा त्रिपाल बारा जिल्लामै बाँकी रहेकोले काठमाडौँबाट ४६८ पठाएको हो ।
सङ्घीय सरकारले विपदका समयका लागि मौज्दात राख्ने गरिएको हेटौंडास्थित खाद्यान्न सामग्रीको गोदाम घर प्रदेश सरकारलाई नै जिम्मा लगाएको छ । विपदका लागि आवश्यक सामान यस अघि सहरी विकास मन्त्रालय अन्तरगत हेरिन्थ्यो । तर, हाल त्यो अधिकार गृह मन्त्रालयलाई छ ।
