.gif)
 (1).png){kind=logo}
.png)
सञ्चारगृहबाटै पत्रकार नियन्त्रणमा लिनु लोकतान्त्रिक आचरणविपरीत : रास्वपा
काठमाडौं : राष्ट्रिय स्वतन्त्र पार्टी (रास्वपा) ले समाचार लेखेकै आधारमा सञ्चारगृहबाटै पत्रकारलाई नियन्त्रणमा लिने र अन्य पत्रकारको खोजी गर्ने प्रहरीको कार्यप्रति आपत्ति जनाएको छ ।
शुक्रबार विज्ञप्ति जारी गर्दै रास्वपाले स्वतन्त्र प्रेसलाई भयभीत बनाउने तथा सञ्चारगृहको गरिमामाथि प्रहार गर्ने गतिविधि लोकतान्त्रिक आचरणविपरीत भएको जनाएको हो ।
प्रकाशित समाचारप्रति कुनै विमति वा गुनासो भए स्थापित कानुनी तथा न्यायिक प्रक्रियामार्फत समाधान खोज्नुपर्ने पार्टीको धारणा छ । पत्रकारमाथि धरपकड गर्नु विधिको शासनको उल्लङ्घन भएको पनि रास्वपाले उल्लेख गरेको छ ।
पार्टीले घटनाको निष्पक्ष छानबिन गरी सत्यतथ्य सार्वजनिक गर्न सरकारसँग माग गरेको छ । साथै, गैरकानुनी रूपमा नियन्त्रणमा लिइएका पत्रकारलाई ससम्मान र बिनासर्त रिहा गर्न आग्रह गरेको छ ।
रास्वपाका प्रवक्ता जगदीश खरेलद्वारा जारी विज्ञप्तिमा सञ्चारकर्मीको पेसागत मर्यादा, सुरक्षा र प्रेस स्वतन्त्रताको पक्षमा पार्टीको अडान सम्झौताहीन रहने उल्लेख छ ।
हेर्नूहोस् विज्ञप्ति:
.jpg)
2026-10-30-20-43-01.jpg)
