.gif)
 (1).png){kind=logo}
.png)
निर्माण व्यवसायीलाई काममा ढिलासुस्ती नगर्न सांसद भुसालको चेतावनी
असार मसान्त नजिकिँदै गर्दा हजारौँ आयोजना अलपत्र
काठमाडौँः सङ्घीय संसद्को पूर्वाधार विकास समितिको बैठकमा बोल्दै सांसद मञ्जु भुसालले निर्माण व्यवसायीहरूले विकास निर्माणका आयोजनाहरूमा ढिलासुस्ती गर्ने र विभिन्न बहाना बनाएर उम्किने प्रवृत्तिको अब अन्त्य हुनुपर्ने बताएकी छिन्।
आगामी असार महिनामा देशका धेरै महत्त्वपूर्ण आयोजनाहरूको म्याद सकिन लागेको तर्फ ध्यान आकर्षण गराउँदै उनले ती सम्पूर्ण अधुरा कामहरू समयमै सम्पन्न गर्न निर्माण पक्षलाई कडा आग्रह गरेकी छिन्।
सांसद भुसालले भनिन्, ‘असारमा म्याद सकिने धेरै आयोजनाहरू छन्, यो हाम्रा लागि निकै ठुलो चुनौती हो।’ मन्त्रालयका तर्फबाट मन्त्रीले नै संसद् र समितिमा प्रतिबद्धता जनाइसकेको वर्तमान अवस्थामा अब निर्माण व्यवसायीहरूले कुनै पनि बहानाबाजी नगरी फिल्डमा खटिनुपर्ने उनको तर्क थियो।
देशभर अलपत्र अवस्थामा रहेका हजारौँ आयोजनाहरूलाई पूर्णता दिनका लागि निर्माण व्यवसायी र सरकार दुवै पक्ष उत्तिकै जिम्मेवार र जवाफदेही हुनुपर्ने उनले उल्लेख गरिन्। नेपालको निर्माण क्षेत्रमा काम लटकाउने र बहाना बनाउने एउटा नराम्रो 'ट्रेन्ड' (प्रवृत्ति) नै बसिसकेको दाबी गर्दै उनले देशको विकासका लागि यसलाई तत्कालै रोक्नुपर्नेमा जोड दिइन्।
2026-09-03-07-54-24.jpg)
