.gif)
 (1).png){kind=logo}
.png)
सरकारले दशैंलगत्तै फास्ट ट्र्याकमा भ्रष्टाचारको छानबिन गर्ने
काठमाडौँ : प्रधानमन्त्री सुशीला कार्कीको नेतृत्वमा बनेको सरकारले फास्ट ट्र्याकमा भ्रष्टाचारको छानबिन गर्न र दोषीलाई कारबाही गर्न तयारी गरेको छ।
जेन-जी आन्दोलनको दबाबमा बनेको नयाँ सरकारले भ्रष्टाचारका सबै घटनाहरूको निष्पक्ष छानबिन गर्ने प्रतिबद्धता जनाएको छ । यस आन्दोलनले भ्रष्टाचारविरुद्धको मुद्दालाई प्रमुख बनाएको थियो। सरकार गठनपछि प्रधानमन्त्री कार्कीले सबै भ्रष्टाचार काण्डको छानबिन गर्ने कुरा बताएका हुन् ।
यसअघि प्रतिनिधि सभामा पनि भ्रष्टाचारको छानबिनको माग गरिएको थियो, तर त्यस समयमा सरकारका पक्षपातीहरूले छानबिन गर्न आलटाल गरेका थिए । राजनीतिक समीकरण मिलाउने र आफ्ना मान्छे बचाउने नाममा छानबिन नगरी छोडिएको थियो । विगतमा, राजनीतिक दलहरूले सत्ताबाहिर रहँदा भ्रष्टाचारको मुद्दा उठाउने र सत्तामा पुगेर चुप लाग्ने चलन बनाएको थियो।
जेन-जी आन्दोलनले भ्रष्टाचारको छानबिन र कारबाहीको मुख्य नारा राखेर सत्ता परिवर्तन गरेको हो । यसै आन्दोलनको प्रभावले अहिले प्रधानमन्त्री सुशीला कार्की नेतृत्वको सरकार गठन भएको हो ।
अहिले जेन-जीका अभियन्ताहरूले सबै भ्रष्टाचार काण्डको निष्पक्ष छानबिनका लागि उच्चस्तरीय छानबिन आयोग गठन गर्न माग गरेका छन्। जेन-जीका प्रतिनिधिहरूले भने, 'यो सही समय हो, उच्चस्तरीय आयोग गठन गरेर छानबिन प्रक्रिया सुरु गर्न ढिलाइ गर्नु हुँदैन।'
