गोकुलको कटाक्ष : आफ्नो टिकट आफै बाँड्नेले त चुनाव हार्छन्, अरूको ग्यारेन्टीको के फुइँ ?

---

नयाँ पेज

२०८२ भदौ १५ आइतबार १३:०६ बजे

काठमाडौं । सत्तारुढ नेकपा एमालेका नेता गोकुल बाँस्कोटाले अवसरवादी राजनीति र गठबन्धनको नाममा हुने सत्ताको खेलप्रति कटाक्ष गरेका छन् । राजनीतिमा सैद्धान्तिक स्पष्टता र जनताको मन जित्ने क्षमताको महत्वमाथि जोड दिँदै स्वार्थपरक र पूर्वाग्रहपूर्ण दृष्टिकोणले मात्र पद र फोरम प्राप्त गर्न सकिए पनि त्यसले सच्चा राजनीतिक प्रभाव नपार्ने बताएका छन् । 

सामाजिक सञ्जालमार्फत उनले लेखेका छन्, ‘संवैधानिक र कानुनी बाध्यता नभएका राजनीतिक विषयलाई स्वार्थपरक र पूर्वाग्रहपूर्ण सैद्धान्तिक लेपन लगाएर फोरम र पद प्राप्त गर्न त सजिलै सकिन्छ । तर राजनीतिले मन कब्जा गर्न सक्नु पर्छ । आफ्नो टिकट आफैले बाँड्न सक्नेले त चुनाव हार्छन्, अरूको ग्यारेन्टीको के फुइँ लाउनु ?’